夏日求驗客:幼獅走樣再見歐國盃

夏日求驗客:幼獅走樣再見歐國盃

英格蘭U21(右)代上周五晚喺U21歐國盃次輪分組賽,2:4不敵羅馬尼亞U21,分組賽兩戰全敗提前畢業。英格蘭喺上半場無論喺控球或攻門都佔優,但球員埋門把握力差,兩隊半場踢成0:0。換邊後喺完場前14分鐘,羅馬尼亞前鋒普斯卡斯12碼中鵠,領先1:0。3分鐘後英格蘭右翼迪馬雷格雷射入靚波扳平1:1。之後2隊各入1粒打平2:2,到88分鐘,羅馬尼亞中場高曼遠射,英格蘭門將甸恩軒達臣嚴重犯錯而入網,高曼之後再入12碼,羅馬尼亞U21以4:2擊敗英格蘭U21。