【本報訊】人們先是坐進稅務大樓，兩小時後，移師對面的入境事務大樓，他們安靜地移動，走進大樓，然後不動聲色的坐下。在場有不少打工仔聚在兩幢大廈之間的廣場中，刷手機或講電話，他們有些顯得焦急，有些卻跟其他同事在聊天。有在大樓上班的公僕提早放工，表示支持示威者。
提早收工 用手機自拍
示威者下午堵塞稅務大樓企圖癱瘓大樓運作，大樓內職員其後陸續下班，有人想進內交稅被示威者勸退。提早下班的渠務署職員Mike說，全部同事都已下班回家，但他表示支持示威者，並不感到不方便，「我覺得有啲嘢係應該做嘅，如果政府做得好啲佢哋咪唔會咁做囉！」他認同示威者的訴求，認為政府應該出來回應示威者，政府的做法是逃避，「唔應該佢有佢做，我有我匿埋，點都要諗點樣解決問題」。
另一邊，陳小姐拿着手機在自拍，笑言從未見人包圍過大樓。她是在入境事務大樓上班的公務員，上司得知有人進行「不合作運動」，叫員工提早下班，「我仲有啲同事喺上面，多嘢做咪做埋先走囉，咁多黑衣人出嚟係有原因嘅，時代唔同，大家經歷嘅唔同。和平遊行係令香港人驕傲嘅，不過堵塞公共交通公具就唔係咁好」。對於堵塞政府大樓，她卻表示可以接受，只要不是非法，小小混亂是正常的。另一位於稅務大樓的工作的謝小姐就認為堵塞政府大樓的做法不好，她的工作主要處理投訴，卻因為此運動而要提早下班，「好彩同事幫我攞個袋落嚟，下個星期返嚟就有排忙，希望佢哋保持冷靜」。
■記者梁嘉麗、林凱潼