蘇永康昨晚於紅館舉行一連兩場的「All That Jazz （＆Pop）LIVE 2019」演唱會首場，好友梁漢文夫婦、蔡一傑、上山詩納、歐陽震華、陳山聰及女友等齊來捧場。
蘇永康以一身閃爆紫色長褸現身，台上樂手估計超過90人，場面盛大。蘇永康以羅文經典歌《浪淘沙》為個唱揭開序幕，唱罷他熱情與觀眾打招呼︰「今日係我前半生音樂回顧，我85年加入樂壇，但最初兩、三年我去咗拍電視劇，因為好尷尬，當時唱片公司冇同我出唱片，但就唱咗四句『浪淘沙』。」
隨後，蘇永康唱出廣告歌當年的經典廣告歌，並感激黃霑的提攜，他問觀眾︰「知唔知呢首係咩歌？」台下立刻大叫：「檸檬茶」他即笑謂︰「證明大家有番咁上下年紀。」之後蘇永康又自嘲︰「我好多謝鍾鎮濤先生，佢同我講︰『你個樣都……』」全場爆笑，蘇永康續說︰「心照啦！佢力勸我學製作、做監製，係佢辣㷫咗音樂團火，93、94嗰兩年，最輝煌試過28小時喺studio冇離開過。」
採訪︰馬建華
攝影：林賓尼