連登仔唔收林鄭只道歉、不撤回的貨，揚言今日會將行動升級。政治一日都嫌長，林鄭下台與否，已經冇關宏旨，中央繼續要她自暴其短，餘下任期，只剩下廁紙功能，只能替西環王公公擦屎眼。件job咁難啃，佢早就done了。以她極有效率的公僕辦事能力但僅屬有限公司的政治智慧，該抓緊機遇，做一件過去N任特首都唔敢做的事……不是車大炮唔眨眼，而係實踐競選承諾，跟年輕人同行，今日，就走出特首辦，唔使戴頭盔，摯誠跟年輕人了解，只聽不問，只笑不喝，做個似樣的阿媽而不是「記你老母」！當然，612下午三點半後連續「試食」150隻催淚彈溝胡椒噴劑的香港人，有可能忍唔住，喝住都要問候她的媽柒次！正所謂出得嚟行，預咗被殘，這是林鄭40年公僕最勁的一課，已經溫好習，熟晒書，就睇她點樣向年輕人真身示範，年年考第一的本領！
撤暴動罪啦，黑面叫篤你背脊的葉劉「唔好搞我後面」，冇用嘅。07年清拆皇后碼頭時那個單拖與保育抗爭者舌戰的林鄭再遇朱凱廸，放下橡膠子彈，打開土耳其作家帕慕克「我心中的陌生人」，在煲底朗讀，好嗎？