【爆相爆片】吳綺莉同成龍所生嘅囡囡吳卓林，同大佢12年嘅網紅Andi之前一度傳出分手，原來只係小風波，冇幾耐之後佢哋都再被影到恩愛行街，日前讀者余小姐透過「爆相爆片」，分享佢哋喺旺角創興廣場嘅一間12蚊店買嘢。
黑白打扮
當時卓林同Andi喺店中購物，見到相中嘅卓林同Andi作黑白雙煞打扮，Andi戴上口罩，兩個人孖住喺貨架面前慢慢研究心水物品。余小姐日前接受電話訪問時話：「佢哋全程有商有量，好恩愛，有時分開行睇嘢、有時又一齊，卓林搭扶手電梯時，仲伸手摸Andi條頸，又同佢按肩，好錫Andi。」卓林同Andi都非常有默契，Andi拎住購物膠籃喺旁邊等候，似要大量掃貨之際，卓林就主力去睇文具用品。
卓林同Andi去年雙雙飛到加拿大居住，突然宣佈婚訊，表示佢哋已經喺加拿大註冊結婚，兩人當時強調結婚證書具法律效力，又話已戰勝恐懼，彼此會互相扶持，攜手追尋幸福。