唔少人都話，當前特首梁振英咁多個月嚟一直冇為娥班子提出嘅送中例修訂喺fb搖旗吶喊，可想而知呢場風波好大可能真係林鄭一手掀起。喺200萬+1人高叫林鄭下台之際，由董建華智囊團結香港基金會成立嘅網媒「思考香港」，竟然喺fb專頁搞公投，就咁睇條題目佢哋問：「行政長官林鄭月娥就修例引起社會紛爭，已暫緩並親口向全港市民致以真誠道歉，各位會唔會支持她未來3年繼續施政呢﹖」
投票周二下午5點、即係林鄭開記招致歉後進行，噚日下午結束，結果有16.6萬人投票，76%唔支持林鄭留任，支持嘅只有24%。唔知呢個「主流民意」結果，係咪曾經抱抱林鄭嘅董生所樂見？