據英國《每日郵報》報道，曼聯準備開出天價50萬鎊（約500萬港元）周薪，追平隊內最高薪嘅阿歷斯山齊士，以利誘公開表示有意離隊嘅保羅普巴留隊。26歲嘅普巴2016年以打破當時世界紀錄嘅8,900萬鎊轉會費，由祖雲達斯加盟曼聯，家陣仲有兩年約，雖有傳皇家馬德里同祖記都有意招攬普巴，但除非曼聯收到遠遠超過當年佢哋畀祖記嘅轉會費，否則都會決心留住普巴。