趣趣地：山神破入球荒大炒日本

星期一美洲盃C組首輪分組賽，智利憑阿歷斯山齊士一頂一傳，以4:0大破日本。面對以後生同冇乜國際賽經驗球員為主嘅日本，智利半場領先一球。換邊後，智利前鋒伊度亞度華加斯喺54分鐘攻入第2球。到82分鐘山齊士力壓日本守將俯身衝頂破網，呢球喺山神喺各項賽事近五個月嚟嘅首個入波。相隔僅84秒，山齊士再助攻伊度亞度華加斯梅開二度，智利最終以4:0大勝日本。