趣趣地：托迪嫌冇實權離羅馬

有「羅馬王子」之稱嘅托迪，星期一開咗記者會，宣佈離開效力長達30年嘅意甲球會羅馬，有指佢同球會主席柏洛達鬧不和而決定離開。據了解呢位42歲嘅羅馬體育技術總監，喺球會原來乜權都冇，搞到佢心灰意冷，仲話離開羅馬就好似死咗咁！

同樣有人事調動嘅仲有阿仙奴，佢哋宣佈喺7月會升U23嘅教頭龍格保做一隊助教，而原本嘅助教保特就會貶去U23。