【交淺言深】
3年前因老友嫁女以嘉賓身份上台祝福的金管局總裁陳德霖，與湯文亮一段逾40年「波友情」首度曝光。前者是財金高官，後者是樓市專家，湯受訪時暢談與陳總始於南華會健身室、從不超越黃線但「交淺言深」的友誼。
湯陳二人相識於微時，湯回憶指1976年從加拿大畢業回港，跟隨姊姊廖湯慧靄（丈夫廖烈正為創銀創辦人廖寶珊兒子）開了一間公司從事物業投資，他因在澳門長大，在港沒太多朋友，於是跟人到南華會健身，運動時結識了中大畢業後剛入政府的Norman，「一返嚟冇耐就識到佢，好有緣」。
兩人絕口不提金融
「嗰時健身好悶㗎，個壁球場又冇人用」。湯擅長羽毛球及壁球，陳精於排球及壁球，於是兩人組隊打Squash League（香港區壁球聯賽），每年9月打到翌年3月，曾獲獎無數，「陳總𠵱家仲打緊壁球，佢仲有練習我就冇」。
湯文亮細說男人友情，「唔使好熱情可以淡如水……冇見幾年一見猶如昨天」。相識多年，他說與陳的交情「四隻字形容：交淺言深」，指對方掌管本港財金體系，樓按加息等金融政策茲事體大，大家會避嫌絕口不提，否則後果嚴重；平時打完波食飯都「AA制有人管數」，湯嫁女亦是「陳總自己申請」上台祝福，不會超越黃線，「同呢個老友關係好難得，唔應該去破壞」。
湯自言是物業投資者非投機者，「如果我係炒家就同佢大纜都扯唔埋」。2015年他發表「細價樓爆煲論」，翌年金管局出招，助銀行監察供樓族借財仔二按風險。被問到爆煲論有否受陳逆周期思維潛移默化？湯稱兩人從不討論樓市，但長期相交不排除想法「心有靈犀」。
外界常覺得陳德霖嚴肅木訥，湯笑說：「我都覺得佢係嚴肅，幽默感欠奉，可能退咗休會多啲。」記憶中「唯一幽默係宣佈退休嗰次」。原來當晚收工後，陳去了南華會看湯文亮等人打波。「我話全世界搵緊你，你走嚟睇波？」之後大夥人去灣仔私房菜吃晚飯，很多食客都來找陳影相，「佢話我已經炒咗魷，仲搵我影相？」陳即將引退，湯表示「佢一啲都冇心情失落喎，反而如釋重負」。總裁之位其實「唔易捱」，湯作為朋友都「覺得佢真係需要退休唞吓」。