【本報訊】基督徒不分晝夜馬拉松式唱聖詩，成為抗爭新方式，連非教徒也有參與。過去的周五、六一連兩晚，聖保祿學校發起「保祿人，反送中」集會（圖），號召校友。周六晚，Iris是其中一名出席的舊生，當晚眾人圍坐添馬公園草地，約30人參與，聲勢不及前一晚有百多人。
Iris本身非天主教徒，接力唱聖詩，只為聲援示威。「香港人好靈活應變，非法集結唔得，但宗教集會合法。」唱歌時不時有警察經過，她直言也為「報復警察，聽足幾10個鐘，除了聖詩，連佛經都要聽」。
「咁細個面對開槍幾驚嚇」
有女中學生派發律師電話及被捕需知，令她開心又傷心。「10幾歲有好多嘢都唔清楚，但都會走出嚟，唔supposed更不應經歷咁嘅事，咁細個要面對開槍，幾驚嚇。」她有出席6月9日遊行，612當日留守家中觀看直播，看見中學生上了示威前線，警察使用過份武力，令她震驚。
為撤回惡法，Iris昨日由2點遊行至8時許，「這是條漫漫長路，我們將付出的失去的可能會是更多更多，但我們要好好保重，才可以有力量走下去」。
■記者鄭祉愉