【公司訪問】香港本土品牌雞仔嘜，不知不覺已傳到第四代。80後譚天逸是譚家二女，原本她無意接手家族品牌，但看着爸爸的白髮天天增多，五年前決定不再外闖，跟姐姐譚天韻一齊回雞仔嘜幫爸爸手，她們最大希望就是可延續這香港品牌，成為一個百年字號。
不屑跟內地品牌鬥平
雞仔嘜今年踏入66歲，老闆譚建東亦已65歲，但他從沒有要求下一代接手，順其自然。作為父母，他認為對子女的保護傘不應太大，每事管、每事問，只會適得其反，要發掘潛能，就應給予空間讓他們摸索。假如第四代真的不接班，他指公司都已準備了機制，讓有能者居之，「傳承有好多種方法，係咪一定要自己落手落腳？我覺得文化傳承好緊要，同事有呢個理念都可持續發展落去。」
有別於一般廠佬，譚建東文質彬彬，六十年代已留學英國，亦讓女兒從小獲得最好教育。這跟經營雞仔嘜的理念一樣，他在用料選材方面都要用最好，甚至因不屑跟內地品牌鬥平鬥賤，放棄中國大市場，至今都一直專注服務香港人。
姐姐譚天韻目前主內管數，二女譚天逸主外負責市場推廣，爸爸都特別為兩女安排有關成衣、紡織等行業知識的課堂，讓她們能更好融入公司，「睇見佢哋都好融洽，同事叫佢哋『格格』，初初唔知以為係挖苦，但原來唔係貶意，係親切的花名。」
與父工作難免有爭拗
譚天逸亦分享跟爸爸一起工作的點滴，她說有時難免有爭拗的時候，「當有唔同意見，大家都會好快冷靜，互相講『對唔住，頭先個態度唔好』，之後就ok，好多嘢都唔會過夜。」她指爸爸從小都不會將公事帶回家，現在都保持優良傳統，有時她跟姐姐在家談起公事，媽媽都會提醒大家已放工。
雞仔嘜在香港已走了66年，由唐山大兄潮物，到人人必備的羊毛底衫，未來又會如何發展？「競爭對手多咗，天氣又暖咗，生意係難做，時代唔同，就要畀唔同產品客人，所以將來做咩都好，最緊要保持個passion，將熱誠同生意結合，喺自己範圍要做得比人更好。」這是爸爸傳授給女兒的錦囊。
記者：鍾耀恆