【6.16大遊行】
【本報訊】警方被指6.12鎮壓示威者時濫權、濫捕，向手無寸鐵的示威學生發射催淚彈、布袋彈和橡膠子彈，血腥清場激怒全港市民。昨日大批遊行人士途經灣仔警察總部時發出噓聲，大叫「警你老母」，更不斷高呼「道歉」。有示威者怒斥警方行為暴力過火，「警察一見到唔係着住自己制服嘅人就用暴力」，要求警方向港人和傷者道歉。
記者：梁御和 林凱潼
遊行隊伍每當途經灣仔警察總部外，全場人士都會齊心高喊「黑警、警你老母、道歉、可恥」等口號，又高舉中指向警察表達不滿。有長者在維園天后入口向站崗的警員高舉中指，批評他們6.12向市民開槍，在場警員未有理會，也有不少遊行人士向在警車及旅遊巴內休息的警員大叫「停車熄匙」。
「見唔係着制服就用暴力」
示威者以不同方式表達對警方6.12血腥鎮壓的憤慨，有中五學生戴上工業用眼罩、口罩參與遊行，口罩上寫上「我好合作唔好打我」、「你知道我很和平」，向警察表達不滿。他批評警方使用不必要武力，「示威者已經喺地下，俾你撳低咗，仲要對佢拳打腳踢，我覺得唔需要去到咁，150粒催淚彈更加冇必要」。
有學生自製多個白色面具，面具上寫上「自由Hi」等警察向示威者喝罵的說話，「雖然呢啲言語係粗口，戴喺面除咗係諷刺（警察），但我哋覺得配得上呢三個字，我哋因為自由去爭取過，所以戴喺面都唔會覺得羞恥」。另有遊行市民高舉仿效警方警告旗幟，寫上「停止暴力，我們不是暴徒」。
28歲任職採購業的洪先生怒斥警方6.12行為暴力過火，「警察一見到唔係着住自己制服嘅人就用暴力」，要求警方向港人和傷者道歉。
媽媽：喺街見到警察會驚
已為人母的顧女士對警方6.12濫用暴力深感憤慨，多次怒斥「𠵱家都唔知邊個係警察，着咗制服有冧巴嘅係唔係差人？冇冧巴嘅係唔係差人？」她說現時在街上看到警察也會感到害怕。她質疑警方自稱生命受威脅，但其實有充足裝備及訓練，「反觀我哋學生乜嘢都冇，佢哋生命又受唔受到威脅？」她批評警方動輒將衝突定性為「暴動」，以她理解，外國暴動最少會看到「燒嘢、搶劫」，但在香港根本未曾看到。
大專學生張小姐6.12送物資到示威現場時被催淚彈波及，當時有點擔心，「差佬唔知會拎啲乜出嚟，又唔知會做啲乜，但現場氣氛令我好想幫手」。她認為應重新檢視警權，「睇番片見到佢哋開槍、發射催淚彈都冇預警……話適當武力，好唔適當囉」。
科大學生廖先生批評警方在沒有任何警告下發射催淚彈和布袋彈，做法不可接受，希望警方行動時衡量是否必要，指政府和警察應是服務市民，「係唔係收order都好，你揮警棍時都要諗吓」。