【6.16大遊行】
【本報訊】年輕人不畏強權，無懼胡椒噴霧、催淚彈、橡膠子彈及布袋彈，站在最前線反對惡法。有參與6月12日衝擊的學生對於連日爭取只換來「暫緩」二字表示失望，坦言對前景不表樂觀，但指「冇用都要做」，如有必要願意再衝擊立法會；有年輕人更稱不會被嚇怕，會思考應否加強衝擊力量。有年輕人指不肯定更激烈行動是否有用，但港人必須表態反修例。
記者︰伍雅謙 羅繼盛 曾偉龍
遊行過，衝擊過，特首林鄭月娥前日僅宣佈暫緩修訂，未有言「撤」，昨日參與遊行的大專生鄧同學無奈表示，「佢唔聽我哋都吹佢唔脹」，只能靠國際壓力逼林鄭就範，自己亦會盡力，因擔心惡法通過後，自由將進一步收窄，「唔知可以做啲乜嘢，𠵱家我哋咁樣講嘢都驚人偷聽，條例過咗會點？」
「遮同口罩變殺傷力武器」
他又提到前日在太古廣場墮下身亡的男子，「佢比我哋更加付出」。至於下一步行動，鄧同學表示，有必要時會再衝擊立法會，「出得嚟幫手就幫手，行動升級？我哋冇得再升級喇喎」。他批評，警方在6月12日無理施放催淚彈，「嗰種程度佢係唔可以使用咁嘅武力㗎嘛」；及後警方更開槍，「嗰時真係諗過會中流彈」。他稱，因資源全部給予前方，中前方以外的市民裝備有限，「基本上我哋得遮、口罩、毛巾、手套之嘛，連頭盔都冇，屋企有可以保護自己嘅嘢就帶出嚟，已經係佢哋所謂嘅殺傷力武器」。
剛考完成DSE考試的鍾同學指，不會因警方濫權而被嚇怕，仍然會參與遊行集會，包括包圍立法會，「冇用都要做」，亦在思考要否加強衝擊力量。
另一名大專生盧同學亦指，市民「衝完」後，林鄭月娥只願暫緩修例，感到失望，「佢（林鄭月娥）把口係唔可信，都係暫緩，唔係取消」，所以再參與遊行表達訴求，「點都要強硬多次畀佢睇」，亦不會排除要更激烈行動，以爭取公義。
他又指，警員對待示威者的手法令人十分反感，又謂上周三當日在現場親身感受到催淚彈煙霧的氣味，仍選擇「硬食」，沒有想過離開，「政府雖然咁強硬，但我哋唔可以輸畀佢，留得幾耐得幾耐」。
轟林鄭表現專橫跋扈
年輕人張先生認為，政府至今未撤回條例，林鄭月娥在記者會上的表現更是專橫跋扈，從無回應市民訴求。至於下一步行動，他指「和平示威同集會，佢已經冇當一回事；相反（上個）禮拜三面對嘅衝突，佢先為平息民憤、或令社會變得和平，先有相應行動，暫緩修例」。不過，他稱難以預料事態發展，亦不知道更激烈行動是否有效，但他相信港人此刻必須站出來表態反對修例。
張同學則擔心，衝擊行動之下，警方行動難測，「差佬唔知會拎啲乜出嚟，又唔知會做啲乜嘢，但現場氣氛令我好想幫手」。她認為應重新檢視警權，限制警察使用武力。她又指，父母均支持政府，故多日來都未敢告知父母自己參與示威，但隨事態發展，看到父母亦開始反思。
