【6.16大遊行】
【本報訊】雖然前日林鄭宣佈暫緩修訂《逃犯條例》，但並未有撤回修例，並依然定性6.12衝突為暴動，市民都不收貨，昨日6.16反惡法遊行，不少藝人都支持參與，包括黃耀明、何韻詩、王宗堯，袁彌明更與爸爸一齊參加遊行，過一個特別的父親節。
記者：盧坤穎 卓寶花 馬建華
昨日下午近2時，歌手黃耀明和何韻詩一身黑衣抵維園，對於林鄭不肯應市民要求撤回惡法，黃耀明說：「當然暫緩係一樣嘢，如果暫緩等於撤，請佢講清楚，因為香港人嘅意願係撤回。」黃形容惡法永遠威脅着香港人，「呢條惡法等於一把刀，永遠都會架咗喺呢度（頸）」。對於前日發生男子墮樓事件，黃耀明要求林鄭：「我覺得佢一定要出嚟解決呢件事。我希望大家唔好絕望，其實我哋依靠唔到政府，可以依靠大家，所以香港人千祈唔好絕望。」
藝人王宗堯昨日亦上街，對於林鄭暫緩修例，他不屑說：「佢用緊比梁振英更加厲害嘅語言偽術，相信大家唔係嬲佢講緊啲乜嘢，係嬲佢對香港人嘅態度。噚晚發生墮樓事件，好多巿民拎住花嚟，亦有慈善團體拎住花出嚟派，相信大家個心都好痛。」王宗堯呼籲：「希望大家7月2號記得去登記做選民，對傾斜嘅立法會投票。」王宗堯認為林鄭應下台，「我未試過咁堅決，連梁振英都未試過，我希望林鄭你下台」。
市民噓爆《PTU機動部隊》
王宗堯接受訪問後便加入遊行隊伍，當遊行大隊經過一個大型廣告牌時，廣告剛好播出由林𥧌、蔡卓妍主演的《PTU機動部隊》廣告，引發遊行人士噓聲四起，表達對警方連日來過份使用暴力的不滿，廣告每播一次，現場就狂噓一次。
人民力量前主席袁彌明與爸爸在銅鑼灣加入遊行，「今日我哋全家一齊出嚟慶祝父親節，雖然冇嘢可以慶祝，同埋最緊要係要求林鄭下台，唔可以定性星期三係暴動，用呢樣嘢去令到學生坐監」。問到男子墮樓身亡事件，袁爸爸表示：「悲劇，係悲劇，所以我哋應該制裁破壞一國兩制嗰啲人。」袁彌明表示已在網上簽了好多聯署，包括歐盟、英美，甚至乎日本，認為應該要制裁林鄭全家，袁爸爸說：「既然佢剝削我哋嘅人權，我哋剝削佢嘅人權。」對於林鄭自稱令香港相對平靜，袁彌明表示：「一百萬以上嘅人出嚟，點係平靜，原來佢仲衰過梁振英。」
除了遊行，填詞人林夕在本報名采專欄中撰文〈永遠熟悉的香港人〉，「如果鎮壓有天公地義的理由，『暴艻』從此就是拔掉長得正直的幼苗，說文明法治不容許暴力，但暴力的法治凌辱文明。如果撐傘有罪，對抗暴雨更有必要。的確極度遺憾，在天堂預留的位置上，給了第一個隨香港命運墜下的生命，安息了！而不是早已蒙主寵召，靈魂不曉得賣給了誰的那誰？」林夕表示非痛心疾首足以言喻。
