噚日200萬+1市民上街聲討特首林鄭月娥，除咗個個大大聲叫777下台之外，仲有不同形式嘅口號，好似撐新聞自由自然叫「記你老母」；林鄭出個不知所謂嘅道歉聲明之後，現場個個就叫「歉你老母」。
除咗叫口號，自然唔少得舉抗議標語，《蘋果》嘅「寧做自由Hi！不做極權龜」固然有唔少市民舉，不同團體亦有印標語、貼紙派畀遊行市民，好似有一款「修你老母」貼紙，上面印咗林鄭流眼淚個樣；又有市民印咗「萬惡娥為首」貼紙周街貼，亦有市民高舉「林鄭不是我老母」，總之形形色色乜都有，但離不開同林鄭追數！八方見到咁群情洶湧，究竟林鄭有乜理由認為香港人仲會支持佢做特首呢？
