做生意免不了跌跌碰碰，跑到窮國開檔，難度更幾何級數上升。一對港人夫婦在旅途上被柬埔寨佳餚迷倒，落戶金邊開檔賣家品，投資千萬積蓄開四間家品店，開業五年大部份時間蝕住做。同一筆錢在港買樓，蹺起二郎腿收租，生活悠然無煩惱。人妻曾自問算不算做了件蠢事，掙扎過後，還是咬緊牙關捱到收支平衡，相信經歷無價，「養起30個柬埔寨家庭，我覺得自豪」。
離開香港理由千百樣，如心碎、恐懼，更甚者被一碗麵引誘。2012年謝家豪（Calvin）及任慧妍（Alice）到柬埔寨旅行，落機吃了頓高棉麵食，「啲柬埔寨菜幾好食喎，不如搬過嚟住啦咁」，二人在餐廳開始上網搜索居住情報，即場考慮移居。
獲日本城特許經營權
事緣他倆老早想在東南亞找個新興國家嘗試發展，「做生意好講時機，如果有國家好似香港七、八十年代咁，捉到發展嗰一下，咁我哋可以一齊起飛」。口腹之慾成契機，除此以外還有比較：印度尼泊爾文化衝擊太大、緬甸老撾彷彿被毒梟盤據。左扣右減，短短半年後，他們就成了金邊居民。
那時金邊商場的生活雜貨品質素、款式未盡如人意，於是兩人聯絡本港連鎖家品店日本城取得特許經營權，主攻中產市場。五年內在金邊連開四舖，但急速擴張不代表賺到笑，反而算是為勢所迫。Alice透露向廠商購貨時或需訂一整個貨櫃的數量，店面要夠多才可快速去貨，之前一直蝕住擴張，到近期才收支平衡。
「其實都有諗過結業。」Alice回憶2016年開到第三間分店時尤其辛苦，於是定下半年限期，屆時生意要是沒好轉就索性放棄，「呢個國家慣咗有慈善資助，所以好多人對公司一定要賺錢嚟維持係冇概念」，費盡心力讓員工明白到盈利多寡的重要性，半年後營業額飆升，生意才得以維持。
「我自己有時都覺得好似好笨咁……1,000萬（投資）可能10年先至搵得返嚟，其實我蝕咗10年時間，但諗番可能呢10年時間得到嘅係經歷，同埋員工有30人，佢哋有佢哋嘅家庭，養到30個柬埔寨家庭，我覺得自豪！」
兩人租住數月服務式住宅後就火速置業，「我哋係啲冇諗得咁遠嘅人嚟，覺得價錢OK就買」，以約20萬美元（約156萬港元）購入一間建築面積2,600呎的四房單位，丈夫有寬闊的私人玩樂房，擺放跑步機、琴及音響等。Alice認為揀樓時，屋苑自置發電機必不可少，因金邊時常停電，高溫時開冷氣就需要靠屋苑發電機。