A：「好呀好呀！畀個機會我大義滅親，Po上網呃103萬個like！」
B：「有乜辦法箒？硬食，冇得揀──有得揀，情願要商天娥，都唔要傷天害理娥，冇咁『害』！」
C：「有一日我約咗honey，佢偷偷跟蹤我，去到地鐵站，失驚無神嚇一跳，我嗌：『唔好搞我後面！』，點知佢又嗌：『唔好搞我後面！』──原來佢攝咗入劉公子同我中間……嗰次之後我就去咗考警察嘞，真係好多謝佢。」
D：「我見佢後面就憎佢前面，我最憎佢用埋D『霸王硬上弓』、『快刀斬亂麻』招式逼我上大陸接客，做搖錢樹，人哋話『虎毒不食子』，佢『毒蛾猛於虎』──因為佢係後底乸，嗚嗚嗚！」
E：「我阿媽話：你再唔乖，我打爆你個頭，射盲你隻眼──不過見我好唔忿氣繼續反抗，佢雖則話『我從來冇因為呢件事有任何心虛』，不過佢實在好心虛，居然想『派糖』畀我『消消氣』，你話係咪侮辱我嘅智慧？不如蛇齋餅糭吖笨！」
F：「我唔係孖膶腸，我媽媽唔係毒蛾，你認錯人喇。我放暑假點解唔返香港？梗係啦，佢食得禾米多，搞到成家人抬唔起頭做人，我食小米好過──哎sorry講錯嘢，唔該借歪，我趕住去送終。」
（後記：不要相信毒蛾「暫緩」奸計）