【爆相爆片】洪永城與唐詩詠分手後，去年戀上健身教練兼女模的梁諾妍（Inez），他為女友積極收身外，去年底還首次置業，斥資1,057萬元買入觀塘凱匯一個兩房連儲物室單位，似乎為愛巢作準備。日前《蘋果》讀者吳太透過「爆相爆片」，表示日前下午在西貢市場遇見洪永城和女友恩愛放狗。
紙巾抹手
吳太說：「我喺甜品店入面突然聽到把女聲嗌『佢又屙喇』，望出窗就見到洪永城踎低身執狗屎，個女仔話又屙，即係應該唔止執咗一次。見洪永城都幾nice，只係戴頂帽，冇戴口罩，由於嗰日係假期，都有幾多人認得佢，見人望，佢都有微笑，幾大方。」吳太指洪永城用膠袋包好狗屎後即丟入垃圾桶，再用紙巾抹手，至於Inez就負責拖實狗仔，當狗仔屙尿時，她就拎出水樽用水清洗。
當日Inez戴cap帽、穿白色T恤襯牛仔褲，打扮隨意，年僅31歲的她，於加拿大多倫多大學畢業後，回流返港做模特兒，因一次參加馬拉松後愛上長跑，繼而決定考跑步教練牌、健身教練牌和HIIT教練牌，更以運動和健身作為事業，在中環開設個人健身工作室。有傳洪永城介入她與身在北京的男友感情，但遭二人否認。
採訪：嵐山