今日父親節，不少父親選揀走上街頭遊行反惡法，盼子女能在港安居樂業。在香港要安居，指望政府推行有效政策已是枉然。曾經著書教親子理財、本身是上市公司CFO的林一鳴，小學已經開始訓練兒子寫「財務報表」，要兒子警惕自己消費習慣，現時兒子每個月都有錢儲。
財政司負責每年的財政預算案，會計師負責公司的財務報表，本身為公司CFO（財務總監）的林一鳴，要求兒子由小學三年級開始，亦要做到一份小小財政預算，才能得到零用錢。
林一鳴育有一對中五與小五的兒子，他說大仔直至今日仍然在做財政預算，「如果佢試過幾次唔記得做，我真係會唔畀零用錢佢呀。」他說做「財政預算」其實很簡單，不需計得準確，他笑說連財爺都錯，「每年財爺都錯到七彩，最緊要係令佢有預算，大約心裏知道點做，就唔易使大。」
財政有預算 每月有錢儲
具體來說，在紙上寫出上星期餘下多少錢，打算多少儲起，其中多少帶到下一期，下個星期又計劃會用多少錢，「例如今期買玩具用咗十蚊，又出街食咗飯，下星期又計劃點。」他說其實不用巨細無遺，例如用膳費用不需每餐列出，重點是讓兒子留意自己的日常消費。
他認為爸媽都應寫一個財務報表，當兒子上到中學，便開始讓兒子了解、參與家庭的財務狀況，「譬如有時都會與小朋友分析，電費單今個月用了千五、二千蚊電費，電花喺邊？原來冷氣機一匹、匹半，每小時用你一個二、三蚊電費。」一些重大的財政決定，如買車、搬屋都在家庭會議中討論。
他指自己也不是追求物質生活的人，為兒子作身教，「我都唔使用物質證明自己。」他說兒子每個月都有錢用剩，儲錢已經成為自然，「好多人出嚟做嘢，見到手袋靚就碌爆卡。非正式統計有三分一香港打工仔係還唔晒卡數，每月還部份min pay，畀18%至24%利息。」
林一鳴會在兒子的必要消費外，加兩成作為零用錢，「太多會害咗佢，佢如出嚟做嘢後會產生落差，覺得辛苦做嘢都賺得好少錢。我唔想佢哋養成借貸習慣，無能力就唔好買。」