側田前晚在紅館舉行一連兩埸「側田My Beautiful Curse演唱會2019」頭場，薛家燕和曾勵珍等前往撐場。演唱會構思倒序人生，側田躺在棺材出場，之後又換上大肥佬裝唱出《半杯入魂》，以誇張造型代表晚年坐在家中回憶人生，動彈不得的側田坐着唱。他之後又換上淡金格仔西裝，以壯年姿態唱《走音》。側田接着以光頭加上印度貴族造型出場，唱到《天註定》時，他跟女dancer步入教堂，最後情深對望，之後又和女dancer分別，演繹愛情路上離合。
嘉賓手執白花
演唱會中段時，棺材降下，方力申、劉浩龍、小肥、釗鋒、RubberBand等一起手執白花出場合唱，嘉賓隨後將白花放入棺材，側田則走到棺材前，嘉賓在台中升降台離開。側田更站在棺材中繼續唱，身上沒有任何安全措施，棺材就便升到半空約兩米高，唱完歌後連帶棺材直入台底。
唱完《大雄》後，側田終於講說話：「多謝大家陪我呢個上半生，呢首好似今日主題，當年《大雄》入咗十大，但係我搵唔到食，又未正式入行，又開心又唔開心，點解上天畀咗呢個才華我，但就畀唔到我去搵食，我去咗維園個草地坐喺度喊，但係我今晚好珍惜，因為我今晚可以企喺呢個舞台唱歌畀大家聽，都唔使再去維園個草地，不過我同自己講唔可以喊。」
踩足媽媽43年
側田又唱《兩個女人》送給媽媽，大螢幕影着其母，側田媽咪身旁有一個女子不停送飛吻，看似側田女友。唱完《情永落》後，側田說：「今晚我想多謝一個人，咁多年嚟，我都係踩佢，話佢好固執、脾氣好臭，又暴躁，到咗我43歲要讚吓佢！」側田encore時，唱出經典歌《命硬》，他表示不能令每個人都鍾意自己，觀眾即報以歡呼聲，側田笑言：「你哋唔好咁啦，搞到我唔記得要講乜，不過我都好鍾意你哋。」
採訪：馬建華
攝影：陳俊強