金利豐證券研究部執行董事黃德几（Dickie）說，他從小教育一對子女要延遲欲望，自小成為一個精明消費者。
Dickie與太太Eva育有一對八歲及六歲的姊弟，兩個小孩已步入小學，他說暫時未有機會給他們零用錢，「因為必需品已經買咗畀佢哋，再買就係買零食。家姐間學校無小賣部，細佬間學校唔畀小一學生食零食。（啱啱轉咗新校舍可以啦！）」弟弟在旁搶答，Dickie才知道改了校規，「新校舍只轉了一個星期，所以我作為舊生都唔知，咁我之後會畀10蚊」。
學校小賣部一包薯片以6元起跳，要再買一罐5元的可樂便不夠錢，他指是故意不完全滿足兒子的非必要消費，「零食係非必需品，屬於情感消費，點控制係關鍵，從小訓練呢個感覺我覺得係好事。如果即時滿足欲望，大個出嚟社會做嘢，其實都幾慘，因為你可能有好多欲望，但你唔可以即時擁有。所以佢要取捨，或者儲起佢第日先食」。
他指現時正教大一點的家姐做一個精明消費者，同樣是控制情感消費，「我都鍾意着靚衫、食好嘢，但我會教佢如果佢想買粉紅色筆，如果紅色減價梗係買平嗰支。」
集印仔換禮物學懂珍惜
仔女已有一點金錢的概念，「帶佢哋去超市，講依個幾錢，嗰個幾錢。」家姐在旁轉轉眼珠回憶，「喺好貴嘅鋪頭，一張生日卡大約30蚊，玩具反斗城一支水槍就200蚊」。Dickie會不定期給予他們一點點錢，主要讓他們有機會學習分享，「例如阿爺阿嫲生日，叫佢哋夾錢買蛋糕，學識sharing」。
不過，孩子的玩具不以零用錢買，而是以印仔的方式換來，「唔想將所有嘢同金錢掛鈎，所以用印仔方式換禮物，我唔想你乖就畀錢你，講白啲，就係太市儈」。有一支兒童玩的衝鋒槍「nerf gun」，他們在媽媽買了回家很久，儲存印仔才能換取。就算開生日會，他們收到的禮品亦要以印仔才能換，「唔想令佢覺得唾手可得，係努力讀書、幫手做家務累積先得，想佢哋珍惜所擁有。」