【今日上街】
【本報訊】仗義每多屠狗輩。警務處長盧偉聰日前稱警方武力鎮壓示威者手法克制，昨日一條燒臘店夥計論政錄音在網上瘋傳，該名中年夥計用純正廣東話和流利粗口，鬧爆特首林鄭月娥硬推《逃犯條例》修訂「一意孤行」，無視「世界性」的撤回呼聲，卻依然「碌X咁」，成百萬人出來都「照讀，你幾X有型啊」；又直斥警察「成副武裝full gear」，「都未燒車胎」就亂向年輕人開槍，結論是：「佢唔係辣㷫啲後生仔、佢辣X㷫晒啲X你老X市民。」
記者：關冠麒
該段錄音短短一日已有約70萬次點擊率，網民大讚夥計一針見血，「阿叔話佢冇讀過書，但係佢啲理解能力、分析能力同表達能力都勁過好多議員或者啲高官」；又有人說夥計「啲粗口好親切……好舒服」；更有網民盛讚阿叔是「後鑊清泉，第一次覺得冇嘢好聽過粗口；阿叔識嘢，full gear英文都識」。
多人專程幫襯支持
記者昨到訪「事發現場」、位於銅鑼灣時代廣場旁邊的兄弟得記燒臘飯店，試圖拜訪這位高人。樓面夥計和收銀阿姐聽過錄音後都搖頭話「唔清楚係邊個」、「認唔到」。而「密密手」忙着切叉燒、油雞的斬料大叔聽過錄音後，即場示範了幾句台詞，雖然聲線極相似，但否認是錄音中人。
原來昨日很多人聽過錄音後，都專程到得記幫襯。第一次幫襯的張小姐和李小姐表示，聽過錄音後才決定搭電車來支持，李小姐笑言：「段片聽到識背㗎喇，夥計嘅說話符合好多人嘅諗法，好多人like。」在附近工作的Ryan亦表示，因為聽完夥計的精采發言才上門食下午茶，覺得其價值觀與他相近，「不分學歷，大家見到邊啲係啱、邊啲唔啱都分得到」，「（警察）全身武裝，唔通個鐵馬會攻擊到佢咩？」
熟客黃先生及黃小姐表示，一聽錄音就估到是哪位夥計。黃先生讚夥計「鬧得好，粗口講得好好聽！」黃小姐更認為他「講晒我哋心聲，幫我鬧埋，我覺得好開心，好心涼」。