【本報訊】雖然特首林鄭月娥決定暫緩修例，但由於非撤回，送中惡法隨時再來，壹傳媒創辦人黎智英（圖）呼籲市民今天續上街抗爭，警告惡法一旦通過，「香港冇晒自由，香港就會唔同咗」。
斥林鄭無恥邪惡
警方上周三以武力驅散反送中示威者，黎智英直斥：「呢個人（林鄭）用咁強硬、咁暴力嘅手段對付年輕人，然後仲要扮慈母，呢個人真係厚顏無恥兼邪惡！」當日的警方暴力事件令黎想到六四，認為惡法若通過，「30年前天安門事件，可以喺香港發生」，「因為冇咗法治去保護我哋嘅自由」。他認為香港人接受英國殖民統治，「有我哋對自由、人權、西方核心價值追求」，認為在此價值薰陶下的香港人，「對於失去自由，有個直覺嘅反抗」，「如果知道失去自由，會令香港變成大陸其中一個城市，變成大陸嘅新疆2.0，咁一定要去諗，點解要抗爭？點解要去遊行？因為唔可以畀呢樣嘢過，過咗香港就乜都冇。」
黎智英強調送中惡法扼殺香港自由，冀所有人盡力抗爭，「因為呢個係保護家園、保護香港嘅最後一個堡壘、最後一條戰線」。
■記者許偉賢