據英媒報道，車路士已經同意甲冠軍祖雲達斯達成協議，畀領隊沙利離隊執教祖記。據報現年60歲嘅沙利會同祖記簽約三年，離開意甲短短一季後就回歸。沙利離開在即，有傳前車路士中場林柏特會以主帥身份回歸史丹福橋，但林伯執教緊嘅英冠球隊打比郡就仲未收到藍戰士接洽。無論車路士下任主帥係邊個都好，佢同將會面臨一個艱鉅任務，因為球隊唔能夠喺今夏嘅轉會窗增兵補強。