【明天上街】
【本報訊】一篇名為《作為70後，我深切向青年道歉》的文章在社交媒體瘋傳，電台DJ在大氣電波讀出文章時，亦忍不住哭了。文章作者是70後資深足球撰稿人施建章，文中提到自己和同代人對不起80、90、00後，更悔疚自己沒有好好教育父母，「父母因為逃避共產黨而逃難來港，生活安穩後，改革開放就想返去，完全忘記咗自己為何而來」。
記者：梁嘉麗
他要向年輕人道歉，卻從反思自己與上一代的關係開始，因為同代人未有把正確的觀念灌輸給父母，孝順固然重要，但自己亦有責任告訴父母他們正在「食毒藥」，「我哋縱容父母接受蛇齋餅糭，畀佢哋投下魔鬼一票，連累咗下一代，奪去了下一代人嘅自由」。他不諱言，大部份的同代人都有政治潔癖，從小被教育成政治冷感，不少朋友都只會風花雪月，拒談政治。
施建章現時是一位足球自由撰稿人，1993年社工系畢業，雖然自己沒有兒女，但早年工作時，主要參與青年事務，到過警署協助被捕青年，亦探過監無數次，「眼看佢哋受盡白眼、欺凌，你可以唔認同佢哋，但最少也要先聽清楚，我哋連咁簡單都做唔到」。當他的同代人早已「上晒岸」，安坐家中看着電視新聞，大義凜然地指摘年輕人行動升級時，他不得不反問，為何他們竟能如斯冷血。
面對日益極權和赤化的管治，他感慨70後沒有守着香港的核心價值，「完全係不負責任，我哋根本喺度透支下一代嘅資源，問下良心到底對唔對得住自己」。
談到6月12日出現在金鐘的，大部份都是十多歲的年輕人時，施建章終於忍不住了，嗚咽着說自己實在是非常內疚，「六四後我哋呢代人講民主回歸，其實真係好天真！冇努力向極權說不，搞到下一代人要幫我哋找數，點解要啲後生受？」
讚年輕人誓死以港為家
90年代畢業，施建章第一份工月薪一萬，四年內已達兩萬，抽中居屋用12年就供完，反觀這一代，畢業已開始負債，生活壓力非常大，他只希望同代人能理解年輕人面對的社會狀況，「你問佢哋會唔會醒？真係燒到埋身先會識驚，否則咪係繼續搵錢，我有同學係保良局董事，淨係識責怪喺後生，惟有希望佢啲生意唔會俾共產黨充公囉，到時《逃犯條例》過咗，攬炒唔好喊啊」。
近日有「連登仔」網上發起寄信給各國領事館要求取消官員、建制派議員及其家人的海外國籍，施建章認為這個做法正好體現年輕一代對身份認同的態度，「我哋嗰代人成日諗住走，佢哋唔會咁諗，就算呢個地方政權幾咁邪惡都好，佢哋依然覺得呢個係家，有die for Hong Kong呢份心，如果咁都要指摘，真係冇資格稱自己係香港人 」。
