梁詠琪（GiGi）昨日到尖沙嘴為「第三屆香港兒童國際電影節」擔任大使，同場有《淪落人》女主角姬素孔尚治（Crisel Consunji）創辦的學前教育中心一班小朋友表演唱歌跳舞。GiGi受訪時笑言擔任大使主要是替囡囡Sofia謀福利：「佢開始大個鍾意睇戲，同埋戲院爆谷都係另外一個吸引佢嘅原因。」
入戲院每事問
GiGi透露Sofia暫時最喜歡看卡通和動物紀錄片，她說：「佢開始大個，每日返到學校都會識到新朋友，返嚟又話畀我聽今日我識咗邊個邊個，所以都係時候要帶佢睇吓一啲真人演出嘅電影，等佢認識一下。」
不過GiGi指Sofia是「問題兒童」，即使在戲院也忍不住向她發問，GiGi說：「我唔會阻止佢發問，但會細細聲同佢講睇緊戲唔好講嘢住，等睇完再答你。」
鬆身衫惹誤會
明天是父親節，GiGi透露Sofia已經在學校整了三份禮物：「一個獎牌、一張卡同一個電話座，仲練咗首歌要今晚唱畀爸爸聽，爸爸收到後已經笑得開心過攞奧斯卡。」提到她早前被雜誌影到肚凸凸疑似有孕，她笑說：「恭喜晒，但係我冇，當日我只係着鬆身衫。」GiGi指會否再添家庭成員要看上天安排，如果幸運地有，對女兒亦是好事，因為可以有個伴。
採訪、攝影：曹家誠