遊行中途，同行者估計，鄭月娥做慣高級公僕，必然一如既往戚眉戚眼，好打得咁款，傲慢回應69反送中大遊行：
「遊行人數唔係唔重要，但我睇唔到政府點解要向唔了解甚至抹黑條例兼別有用心嘅人讓步。」
遊行人士的一小步，反抗惡法的一大步，由陽光行到天黑，扶老㩦幼，後生仔考試前都出來行（兼出來還），鄭月娥卻當這些行者是貓步。過咗咁多日仍感到腳踭痛的市民，被鄭月娥當病貓！立法會的柒頭建制議員，預告七月前過硬惡法。柒，七一回歸，屬於領導人，小市民的行事曆只有6月31，拒絕國歌，企硬行，再行！再行！再行！市民一小步，迫到鄭月娥自絕冇碇企，走到管治的最後一步，翻版老董下場，爬着滾下台！
這個，同行者冇咁樂觀，說27號惡法夠票一過，無可挽回，香港被賣斷，做咗22年李家超鴕鳥，終於在鄭月娥的熱廚房中，被炸成紅燒鵝，斬件！上枱！哎，確實有這種可能。六月，跟三十年前的六月一樣，難過。