今屆喺法國舉辦嘅女子世盃踢到如火如荼，D組賽事方面，力爭連續三屆賽事踢入決賽嘅日本女足，喺首場分組賽雖然有成72%控球率，不過最終就同阿根廷女足（圖）悶和0:0。值得一提嘅係，今場係阿根廷女足隊史上第一次喺世盃比賽有分落袋，佢哋喺2003同07年2度出戰世盃決賽周，結果六場都輸晒，今次總算係零的突破，唔知幾時贏到第一場呢？