69反送中遊行前有人問，點解送中兼貿易戰之下，樓市仍勁升，無半點「香港已死」徵狀。有評論點名，建制林健鋒急賣三間樓加七個車位，擺明撤。但一向自封樓市大淡友的湯姓投資者，唱自己反調推翻昨日的我，大舉入市，做豪宅業主後，勁吹樓價必升。跟他一樣重彈藥的律政司「鄰居老公」潘先生，亦同一時間入市豪買，眼都唔眨（唔知今鋪有冇僭建）。有人分析，賣樓套現的議員就跟師奶阿嬸一樣，冇內線消息，所以保險將部份雞蛋移交去另一隻籃子。而大投資者背後有大靠山，收到風，送中一過，阿爺一定做N場大龍鳳，谷高樓市，安撫炒家。到時放售手上豪盤，實賺無蝕。甚至，再暗黑分析，豪宅涉內地黑金，借本地人頭做契而已，貿易戰下黑金去美加大有阻滯，只能流入香港。金主唔使問貴姓了，習總做班主那隊波，自己做埋球證吹雞，龍門任搬，冇得輸！
送中與樓價，一個殺埋身，一個堅離地。柒政府還說什麼逃犯天堂，天堂個屁！小市民只感到被毒娥迫到全家落地獄！