英國《太陽報》報道，曼聯領隊蘇斯克查計劃同英格蘭中場連格續約，仲會加佢約25%人工到周薪13萬鎊，想呢件曼聯青訓長期留隊。雖然曼聯啱啱以1,800萬鎊簽咗翼鋒丹尼爾占士，但似乎冇動搖連格嘅地位。報道話，連格同曼聯份約喺2021年夏天就到期，蘇B想連格長留喺曼聯所以決定利誘佢續約，計劃開出13萬鎊周薪，比佢家陣合約嘅人工多30,000鎊。