日本中場長谷部誠做咗聯合國兒童基金親善大使，上周仲去咗孟加拉探訪庫圖帕朗難民營，希望外界多啲注意羅興亞難民。長谷部去咗住咗60萬人嘅庫圖帕朗難民營同營內嘅小朋友踢波，仲講明希望國際社會盡快解決難民問題。羅興亞人係一個冇國籍嘅穆斯林少數民族，緬甸軍政府不斷以軍事鎮壓羅興亞人，聯合國估計家陣有成92萬人，分佈喺孟加拉好多難民營中。