【反惡法大遊行】
早前六四30周年悼念，好多網民貼返30年前社會各界撐學運嘅相，包括成人雜誌《龍虎豹》義賣（圖）撐學運嗰期書，今時今日鹹書式微，取而代之嘅係愛情動作片網站，仗義每多屠狗輩，撐民主撐香港心不變，好似成人網「ThisAV」日前喺網站表態，反送中惡法呼籲人上街。
「射出你的一股熱血」
ThisAV喺網站首頁發出通告，表態反送中撐上街，「香港生死存亡 仲掛住打丁？」網站指「你今日要射出嘅唔應該係寂寞，而係你還剩的一股熱血」，ThisAV在首頁發出「通告」，強調大家上街並非因為覺得有希望，亦唔係單單相信人多就一定可以成功，「而係知道就算唔成功都要行出嚟！就算豬係要被人劏都會叫幾聲，更何況我哋係人有尊嚴，點可以默默地任人宰割？係時候行出嚟釋放你嘅汗水同熱血！」
ThisAV官方Twitter亦發帖指，唔知10年後ThisAV仲會唔會存在，只希望大家趁仍有能力嘅時候行出嚟，「即使得返最後一口氣，都要守護住香港呢個地方；請唔好因為懶或者一些無聊嘅因素而失去我哋向全世界展示嘅機會，今（噚）日銅鑼灣見！」
李八方
