郭富城、袁富華和杜琪峯等，昨日到油麻地出席「第13屆鮮浪潮國際短片節」活動，作為活動推動者之一的杜Sir在活動上感激城城到場支持，又多謝ViuTV再度合作播放：「肯付社會責任嘅有錢佬太少，多謝劉鑾雄先生旗下嘅慈善基金，捐出1,000萬作為我哋日常營運開支。」而城城就表示過往曾跟超過十位新導演合作，更向在場一眾新導演們表示：「如果你哋有好劇本可以交畀我，大家傾吓有冇得合作。」
城城又透露近日在港時間較多，可以陪伴太太和囡囡：「拍戲冇得講，喺香港嘅一定想陪佢哋多啲，我最近先帶囡囡去完海洋公園，遲啲有機會都想同佢去迪士尼，以前我哋大人又點會去？但𠵱家小朋友鍾意都會同佢哋去。」講到6月9日民間發起的反送中惡法大遊行，城城表示：「唔可以用三言兩語解釋清楚同表達到感受，我希望喺香港大家都可以生活愉快，有一個和諧嘅香港。」
採訪：曹家誠
攝影：陳慧安