ESPN引述消息人士報道，利物浦領隊高路普有可能喺合約於2022年屆滿後休息1年，雖然球會班主希望佢可以續簽長約，但佢哋冇意對高路普施加壓力。
高路普啱啱贏得出任紅軍主帥以嚟嘅首項錦標，喺歐聯捧盃，佢曾多次話希望喺完約後可以唞一年，陪吓屋企人。據報道，利物浦班主Fenway Sports Group希望高路普合約屆滿後可以繼續留低，但佢哋唔想向佢施壓，只會喺該高路普要求下先準備新約，不過高路普暫時都唔諗住改變佢休息嘅計劃。
另一邊廂，利記都開始規劃下季組軍，其中喺今夏約滿嘅史杜列治同艾拔圖摩蘭奴會免費離隊，高路普亦喺利記官網嘅感謝佢哋嘅貢獻：「對於兩名非凡球員，最重要嘅兩個字係『多謝』。當我嚟到利物浦嗰陣，佢哋已經喺度，佢哋同其他人一樣，幫我哋建立咗一支向正確方向前進嘅球隊，冇佢哋嘅話我哋就冇可能有呢一刻嘅成就。」