金髮索女禾蘭絲姬（Kinsey Wolanski）上星期六喺利物浦對熱刺嘅歐聯決賽一跑成名，人氣急升嘅佢ig粉絲人數已經超過200萬，風頭火勢之時佢嘅ig賬戶突然「被消失」。據《太陽報》嘅報道，禾蘭絲姬指自己嘅賬號被入侵，所以刪除咗。
禾蘭絲姬為咗宣傳男友嘅色情網站衝入球場，結果呢一跑賺咗300萬鎊（約3,000萬港元），亦令佢嘅ig粉絲由3萬激增到250萬，可惜賬戶已經被刪除。佢向粉絲解釋：「我啱啱健完身，所以我喺twitter發咗新帖文。家陣我得一則帖文，本來我係唔用twitter，但家陣要喇，因為我嘅ig俾人入侵。」
禾蘭絲姬又指，闖入球場至今所有嘢就好似過山車咁高潮迭起。不過粉絲們唔使擔心，就算禾蘭絲姬轉玩twitter，都不忘向粉絲派「軍糧」，喺佢twitter嘅其中一條片，就有佢着住黑色低胸背心，一邊喺跑步機上跑，一邊對住鏡頭伸脷，完美身材表露無遺，有興趣嘅粉絲可以去佢嘅twitter細心研究。