《逃犯條例》修訂通過後，人人都有被移交危機，如果𠵱家唔發聲，唔知第時仲有冇機會反抗？但八方對港人好有信心，睇見近日聯署反應，證明好多香港人熱愛呢個仲有自由嘅城市。
唔知大家有冇留意到，呢幾日喺不同角落有唔少反送中貼紙，提醒港人唔好忘記歷史？社民連主席吳文遠喺facebook貼圖，從佢po嘅相可見，港鐵站內地圖及出口指示以及街上嘅燈柱等，都貼上呼籲6.9上街反送中嘅貼紙，以及前特首梁振英1989年譴責中共屠城嘅報紙廣告等，今日六四30年，真係特別令人感觸。
而喺中西區各處，亦乍現大量反送中貼紙，甚至貼喺建制派區議員橫額。有西環居民報料，指由堅尼地城到半山區都見到呢款貼紙，一如聯署，6.9上街嘅訊息，已經遍地開花。
