為咗應付嚟緊嘅2020歐洲國家盃外圍賽，世界盃冠軍法國禮拜日喺南特同玻利維亞踢咗場友賽，結果開賽五分鐘就由湯馬士林馬接應基沙文傳送笠射得手先拔頭籌，43分鐘再由基沙文增添紀錄，個人喺國家隊嘅入球累積至29球，不過佢嘅前鋒拍檔基利安麥巴比喺完半場前受傷，下半場被迫退下火線，最終就淨勝對手兩粒，好彩教練迪甘斯賽後就話麥巴比應無大礙。