前曼城翼鋒阿當莊臣真係死性不改，佢2015年同一位15歲嘅少女發生親暱行為，被判入獄六年，服刑三年後重獲自由後，最近佢俾英國媒體影到，喺上周六晚11點左右現身一間酒吧，飲咗支價值125鎊（大約1,200港元）嘅伏特加，仲同一位18歲嘅美女傾偈，傾到凌晨一點左右先肯走人。相中見到今年先得31歲嘅阿當莊臣，陀住個大肚腩，比起初初出道嘅佢，簡直好似係兩個人一樣，佢睇落真係好醉，連行路都企唔穩，要朋友捉實佢先可以行到一步，認真陰功！