上星期總算沒令大家失望，FC琉球2:1波膽8.5倍，串馬模大勝，廿幾倍分頭。
今個星期戲碼必然是歐聯決賽，足智彩相對開盤較辣，綜合世界博彩公司，紅軍W1.94倍，相反馬會初盤壓到去1.75倍，主流一般開讓平/半盤，足智彩更開到讓半/一，上盤沒有「半個博一個」，以香港紅軍球迷的熱情，加上季尾走勢亦遠比熱刺好，相信會越賣越熱。決賽場合，傾向支持下盤，但「讓球」盤回報不太高，不如直接選擇波膽，1:1這個6.5倍最熱波膽，值得一博。
今次是歐聯第七次同一國家球隊交手，畢竟較熟路，之前六次同國決賽中，有四次和局，1:1更開出3次，包括2008年全英對決，曼聯法定時間和車路士1:1。雖然以晉級過程計，和局對兩軍都屬於「盲門」，熱刺由分組賽起計，12場只賽和2次，利物浦更加只和了一場，但以紅軍之前八次打入決賽，都出現兩次法定時間和局，始終英超兵相遇，雙方都熟路，法定時間不易分勝負。
上星期中日乙，今周續揀，榜首水戶蜀葵上仗回勇，雖然攻力一般，但防守出色，開季至今15場只失5球，今次再追水戶1:0小勝山口雷法，有5.75倍。
文：Goal進
（逢周六見報）
