本港武指凌志華曾為電影《激戰》、《紅海行動》、《L風暴》及《P風暴》等擔任武術指導，大前晚他在家中忽然暈倒，送往醫院搶救，最終不治。
相識40年難掩哀傷
動作特技工會會長錢嘉樂前日以短訊回應本報時，仍難掩聲線哀傷，語帶哽咽。他透露前日早上工會收到凌志華家人的通知：「我喺今朝收到工會通知，佢哥哥凌志雄講番我哋聽。」錢嘉樂深感難過續道：「好接受唔到，我同凌志華都識咗差唔多40年。嗰時喺麗的電視識，之後各自發展。同佢有好多點點滴滴，好突然好驚訝，佢經常都笑面迎人，永遠都好開心，好少是非，好少發脾氣，係一個好好嘅朋友，成個工會都好唔捨得。」錢嘉樂表示會為凌的家人提供協助，並且安排凌志華的後事。
黃百鳴讚生前盡責
曾和凌志華合作《L風暴》及《P風暴》的黃百鳴接受訪問時，以「震驚」來形容凌志華的離世，他說：「聽到呢啲消息係震驚，凌師父最近替我《風暴》系列做武術指導，做得好好，好負責任，我聽到呢啲消息真係唔相信。」
凌志華早年曾隨袁和平為多部荷李活大片《22世紀殺人網絡》（The Matrix）及《標殺令》（Kill Bill）擔任動作指導，他的大哥凌志雄亦為圈中人。凌志華之後憑《激戰》獲提名角逐第33屆金像獎最佳動作設計及第50屆金馬獎最佳動作設計。
採訪：李森
