台灣政治文宣一向出色，但有時都要領導人有咁嘅胸襟同幽默感先得，好似台灣總統蔡英文日前在facebook發文，公開佢同台灣插畫家A RAY合作，用惡搞插畫宣傳台灣減稅方案，A RAY仲將蔡英文畫成星球大戰嘅「尤達大師」、Marvel入面嘅變形俠醫，同埋超人特攻隊，甚至連國民黨高雄市長韓國瑜名句「發大財」都玩埋，又加上#三軍統帥可以亂畫嗎#在民主國家是可以的等hashtag，蔡英文仲喺佢Ig公開同A RAY嘅WhatsApp對話內容截圖，雙人對話仲要十分抵死。
個樣777
見到台灣插畫家玩得咁開心，香港插畫家又玩埋一份，對象自然係特首林鄭月娥，娥特呢排咁紅，唔搵佢做題材講唔過去，八方見到現時有怪叔叔Cuson Lo（咳神）學A RAY同蔡英文對話截圖，畫咗佢同娥特對話，將娥特畫成777樣；另一插畫家DDED就畫娥特廁紙圖，結果要交多七倍稅，今次有冇可能同咳神、漫畫家草日之前「黃手套之亂」咁，變成所有插畫家一齊玩？真係要睇睇。
李八方