幾經波折，支聯會終於喺旺角重開「六四紀念館」，令到市民有更多機會認識六四史實。不過淨係睇未必夠深入，如果有人為參觀市民即場解說，肯定別有一番體會。支聯會亦特別就此搞搞新意思，搵嚟香港《文匯報》前駐京辦主任、人稱「夫子」嘅劉銳紹負責帶領導覽團，夫子當年有份深入採訪八九民運，佢會以當年嘅親身經歷，為大家導覽六四紀念館中各項展品。
呢個導覽團會喺本周六（25日）下午5點至6點舉行，地點當然係位於旺角道藝旺商業大廈10字樓嘅六四紀念館。名額得20個，先到先得，如果想報名或者查詢，可致電2459 6489、或電郵至mailto:[email protected]，網上報名亦可。
李八方