逃犯天堂裏，黃耀明唱住「回憶有罪」。
民主最黑暗的一天，六千頭活豬被屠殺。選舉完，九龍西健康大使隱形，鼠王落區，捉到柒隻。
草地貪夜蛾南下來犯，蟲禍，才夠開始。
被鴕鳥了22年的建制派，忽然急賣物業車位。說好了的「歸隊」？廢話！
名校校長面試立法會所謂的「鬧雙胞」，建制近親繁殖出來那一胎，被阿媽教育掃黃，滅絕黃色，將炎黃子孫念作炎藍子孫，叫香蕉做藍莓。校長唔係姓石，諗都唔使諗，DQ鈍胎。
西環行埋貪夜蛾，王公掌舵，盡在西區。禮賓府還有乜L用？鄉紳拆自己祠堂拎去賣前，禮賓府接到清拆柯打唔出奇。李氏公子有興趣嗎？1851年動工都可以改做1858，買個好意頭嘛。
6430，香港政府煽惑本土煽惑政治犯，國際都會忽然變逃犯天堂。天堂一把雨傘，都係武器咁話。回憶有罪，廣場沒死一個人，開槍是為了修補漏洞，如果你是受害人和家屬會點？