李碧華寫橫掃內地13省市的蛾災，時也命也撞到正害蟲個名叫做「草地貪夜蛾」。母夜叉fusion鄭月鴕，進化為破壞王草地貪夜蛾。蛾害的警鐘敲響了，從西環跪住出來那些壽頭詐傻裝聾，瞬間淪為貪夜蛾的獵物，毀種絕收。
香港這隻蛾，上任至今，被fb友給嬲給屎給到上鼻哥，終於拂袖黑面，露出害蟲本尊！要強硬通過逃犯送中條例，香港不是一片稻田，這個國際城市，被封逃生門，逃生出口講到明會被堵死的航機、郵輪以至豪宅甲廈，試問點會令人放心？除非，裏頭那些是政府通通唔放在眼內，根本唔當係人的市民。睇吓上水屠房，肉在砧板上，等住屠宰的港豬，的確唔需要逃生出口。
蛾害與豬瘟下發現草泥馬的學名原來叫做林羊鴕，宜家毛公仔繼路姆西後，幾時出貪夜蛾的神獸？六年前路姆西被瘋搶，預示了689冇得留低。今天，西環「操（控）奶媽」、硬上鴕，隻毛公仔叫乜名好？蛾尼鴕罰！