譚耀宗傳話，西環叫香港人要有四個相信。點止四個，係柒個！
一，相信西環會拆天。
二，相信林鄭月鴕，日日鴕，年年鴕，陀衰家。
三，相信西環行埋，露骨玩變態，騎住鴕，上佢！
四，相信鴕至叻，一發功，贏晒50萬人上街後「被腳痛」，斷纜落台收返23條的老懵董。又跑贏強推831袋住先方案，但臨尾等埋發叔，冥冥中甩轆的689。相信鴕，好快修例成為第13個生肖。
五，相信立法會秘書，一票都冇，憑什麼阻撓民選議員開會？立法會秘書處，相信已經唔當香港人係老闆，出糧畀佢的，西環都唔相信是西環。
六，相信在香港賣樓賣股、更心急將美國資產調走的建制派和小老闆，唱國歌時比80歲阿婆更需要輪椅，走資走唔切，個個都腳軟啊。
七，相信七百萬人有同一個夢，逃犯條例講明第一個被引渡的人叫做梁振英，市民幫周浩鼎諗埋，無論佢逃去天堂邊忽都屎！