曼聯今季成績令人失望，中場保羅普巴受到嘅批評最多，一直盛傳佢會喺今夏離開紅魔。雖然有指領隊蘇斯克查都唔介意畀普巴走，但球會副主席活華特就表示唔打算接受任何斟介，覺得有損曼聯聲譽，普巴要走就要向球會提出轉會。有傳皇馬有意羅致普巴，過往唔少由前者收購嘅巨星，都係由球員向原屬球會提出要走人先。