利物浦雖然六月頭仲有場歐聯決賽未踢，但領隊高路普都決定放球員五日假，希望佢哋可以叉足電先歸隊。大部份球員都去度假散心，好似穆罕默德沙拿就去咗阿布扎比享受陽光與海灘，反而有傷在身嘅羅拔圖法明奴就喺休息之餘，亦把握機會去球場跑圈同加操，操完再去健身室做gym，睇嚟真係好想趕得切復出踢決賽喎。