近期運勢平平，已連續多次令捧場客失望，今次搵旺門球隊沖喜，選擇賓菲加大勝封王。
葡超今周煞科，爭標形勢十分明朗，賓菲加賽前領先波圖兩分兼贏對賽，周六主場對辛達卡拉基本上只要多拿一分已篤定封王；但貴為國內班霸，相信教練般奴拉治領先亦不會全場守到尾；記得早兩星期都推介過賓菲加[-2]的「主勝」，結果球隊沒有令我失望，該仗即5:1大炒樸迪莫倫斯，今次更誇張，足智彩開至賓菲加[-3]，要贏四球才開「主勝」，不過以賓軍八連勝，加上近4輪主場全勝兼入16球的氣勢，今仗要大炒對手亦冇難度。陣中前鋒施費洛域（右）已攻入21球，雖然在葡超神射手榜位居榜首，但只領先次席的士砵亭中場波基斯費南迪斯一球，煞科戰更需珍惜最後數糊機會，加上辛軍亦只屬「風流波」，今仗沒有動力阻止賓菲加，一於博賓菲加贏4:0，開出七倍波膽。
差不多時段的美職聯，蒙特利爾衝擊主場對新英倫革命；衝擊在今季六場勝仗中，有4場都小勝對手1球，包括前仗小勝紐約紅牛2:1，今仗面對積弱的革命，[-1]的「和局」可敲。
文：Goal進
逢周六見報
