講開訪美團，今次佢哋仲見咗總統亞洲事務副助理兼亞洲事務高級主管博明（Matt Pottinger），博明仲帶佢哋去白宮旁邊影合照。李卓人喺fb話博明做過記者，喺大陸同香港都工作過，之前仲係香港記協會員，絕對清楚香港嘅處境。其實佢最猛料係做過海軍陸戰隊，仲深得總統特朗普信任，見習近平都帶埋佢去，不過博明所以唔做記者去做海軍陸戰隊，其實係因為北京班國安做嘅好事！
嬲到從軍 主張對華強硬
八方之前睇過一篇報道，話博明做記者駐京時，專揭大陸黑幕，結果有次俾國安捉到，仲以武力對待，點知呢一打燃起博明愛國反極權嘅心，成30歲先決定參軍。
佢退役後獲舊上司、特朗普嘅前國家安全顧問弗林賞識帶入白宮，由於博明太熟悉中共，所以佢係對華鷹派，主張對中共強硬。